शंकर लामिछाने प्रतिष्ठानले प्रसिद्ध निबन्धकार शङ्कर लामिछानेको ९५ औं जन्मोत्सव समारोह आगामी २०७८ चैत ५ गते लामिछानेबारे संवाद कार्यक्रम गरेर मनाउने भएको छ ।
सो अवसरमा लेखक एवं नृत्यकार भैरवबहादुर थापा आत्रेयलाई सम्मान गर्ने निर्णय गरेको छ । पूर्व गोर्खा सैनिक थापा यसअगि जगदम्बा श्री सम्मान, मुक्तककार भीम दर्शन रोका सम्मान आदिबाट सम्मानित भइसक्नु भएको छ ।
थापाका नेपाली नृत्य र शारीरिक प्रवेशिका भाग १, २ र ३ (२०२२), ढोका (२०३०), हिंड्दाहिंड्दै बनेका तस्वीरहरु (२०६५), समर्पण (२०६७), हिमाल नाट्य मिमासा (३०७२) जस्ता कृतिहरु प्रकाशित रहेका छन् । उहाँका आधा दर्जन कर्तिहरु प्रकाशोन्मुख रहेका छन् ।
थापा चर्चित नृत्यकार हुनुहुन्छ । उहाँको २००७ सालबाट रचनाहरु प्रकाशित हुँदै आएका छन् ।
