गुञ्जनले रजत जयन्तीको अवसरमा गुञ्जन त्रिवेणी आख्यान पुरस्कार २०७९” वरिष्ठ कथाकार एवम् गुञ्जनकै संस्थापक पूर्व उपाध्यक्ष भुवन ढुंगानालाई “गुञ्जन जेष्ठ नागरिक सम्मान २०७९” कथाकार रेवती राजभण्डारीलाई, “गुञ्जन रजत जयन्ती सम्मान २०७९”,कवि लक्ष्मी राजभण्डारीलाई, “गुञ्जन प्रतिभा पुरस्कार २०७९” कवि गीता कार्कीलाई, , “गुञ्जन बहुभाषिक सम्मान २०७९” राधिका लिम्बूलाई, “गुञ्जन साहित्य पुरस्कार २०७९” वरिष्ठ कवि एवम् साहित्यिक पत्रकार संघका पूर्व अध्यक्ष विश्वविमोहन श्रेष्ठलाई, “गुञ्जन सम्मान २०७९” पाल्पा साहित्य समाजका संस्थापक राजेन्द्रगोपाल सिंह र सोही संस्थाका अध्यक्ष पुष्कर अथक रेग्मीलाई नगद तथा सम्मानपत्र प्रदान गर्यो ।
गुञ्जनकी अध्यक्ष कथाकार जलेश्वरी श्रेष्ठको अध्यक्षतामा सम्पन्न सो कार्यक्रमको प्रमुख अतिथि अनुवादक एवं समालोचक प्रा .डा. अभि सुवेदी एवम् विशेष अतिथि रमा शर्मा रहनु भएको थियो ।
कार्यक्रममा समालोचक रजनी ढकालले सम्मानित एवम् पुरस्कृत प्रतिभाबारे संक्षेपमा परिचय गर्नु भएको थियो ।
गुञ्जन रजत जयन्ती साहित्य सम्मान, गुञ्जन सम्मान र गुञ्जन त्रिवेणी आख्यान पुरस्कार यसै वर्ष स्थापना गरिएका हुन् । कार्यक्रममा गुञ्जनकी बाह्र संस्थापक सदस्यहरु पद्मावती सिंह (संस्थापक अध्यक्ष), गीता केशरी, हिरण्यकुमारी पाठक, भागीरथी श्रेष्ठ, चन्द्रकला नेवार, भुवन ढुंगाना, डा. मृदुला शर्मा, सुलोचना मानन्धर, ज्ञानु पाण्डे, उषा शेरचन, शशिकला मानन्धर र सुष्मिता नेपाललाई सम्मान गरिएको थियो ।
गुञ्जनकी महासचिव सुष्मिता नेपालले धन्यवाद ज्ञापन गर्नु भएको सो कार्यक्रम नयाँ आजीवन सदस्यहरूलाई प्रमाणपत्र प्रदान गरिएको थियो । कार्यक्रमको सञ्चालन गुञ्जनकी सचिव सन्ध्या पहाडीले गर्नु भएको थियो ।
