युवाकवि मोतीराम भट्टको १५७ औं जन्मजयन्तीका अवसरमा प्रज्ञा प्रतिष्ठान साहित्य (पद्य/काव्य) विभागले ‘प्रज्ञा गजल महोत्सव’ गरेको छ । देश तथा विदेशमा रहेका गजलका स्रष्टाहरूलाई समेटेर प्रज्ञाले आइतबार गजल महोत्सव गरेको हो । उपत्यका बाहिर र विदेशमा रहेका स्रष्टाहरूले भर्चुअल माध्यममा गजल वाचन गरे । राधा कँडेल, करुण थापा, रूपक अलंकार, सुमन स्मारिका, उद्धव मिसन, प्रकाश समीर, स्पन्दन विनोद, सुमन घिमिरेलगायतले प्रेम, जीवन एवं समकालीन समयलाई केन्द्रित गरेका भावहरू गजलमार्फत सुनाए ।धीरेन्द्र प्रेमर्षि, सन्तोष श्रेष्ठ लगायतकाले गजल गायन प्रस्तुत गरेका थिए ।
प्रज्ञामा गजल महोत्सव
