सिस्नुपानी नेपालले तीजका अवसरमा आज छोरी विशेष सन्देशमूलक कार्यक्रमको आयोजना गरेको छ ।
राष्ट्रपति विद्यादेवी भण्डारीसहित मुलुकका विशिष्ट व्यक्तित्व सहभागी विशेष कार्यक्रममा महिलाहरूद्वारा मनोरञ्जनात्मक साङ्गीतिक प्रस्तुती गरिएको थियो । छोरी तथा महिला शसक्तिकरण गर्ने उद्देश्यले आयोजित कार्यक्रममा राष्ट्रिय कलाकारले समाजमा छोरीको महत्व दर्शाउँदै विभिन्न कला प्रस्तुत गरेका थिए।
कार्यक्रममा कलाकार मनोज गजुरेलले विधुवा आमाको भेषमा विधुवा महिलाले समाजबाट झेल्नुपरेको समस्याबारे प्रस्तुति गरेका थिए। यस्तै मदनकृष्ण श्रेष्ठले छोरी नभएको भए छोरा मान्छेको जन्म नहुने भन्दै छोरी पनि छोरा सरह समाजमा अहिले प्रतिष्ठित ठाउँमा पुगेको बताए।
‘छोरी’ शीर्षक कार्यक्रमको प्रथम कोसेलीका रूपमा विशिष्ट छोरीहरूको लोक-शास्त्रीय प्रस्तुति रहेको थियो । १८ जना छोरीहरुले तवेला, इसराज, सितार,सरोद ,बासुरी, सहित साङ्गीतिक, १२ जना छोरीले नौमति बाजा बजाउनुको साथै ३४ जना छोरीले बासुरीका विभिन्न धुन बजाएका थिए। यस्तै कुन्ता शर्माले ‘पोथी बास्नु हुँदैन’ लक्ष्मण गाम्नागे ‘मान्छे र आइमाई’ मामिला जोशीले ‘नगरबधुको कर्तव्य’, भावना शर्माले ‘म जयसरा’ र अर्जुन पराजुलीले ‘मलाई जन्मिन देऊ’ शीर्षकमा कतिवा वाचन गरेका थिए। टङ्क आचार्यले कर्णालीमा ३ जना सन्तान सहित हाम फालेकी सुकी बडुवालको सुसाइट नोटम आधारीत कविता प्रस्तुत गरेका थिए ।
कार्यक्रममा अन्जु पन्तलगायत कलाकारले छोरी र आमाको भावले भरिएका गीत गाएका थिए। कार्यक्रममा राजनीतिक दलका नेता, सुरक्षा अधिकारी, महिला अधिकारकर्मी, कलाकारलगायतको सहभागिता रहेको थियो ।
