कविडाँडा साहित्य समाजको २० औं वार्षिकोत्सवको अवसरमा शनिबार भरतपुरको कविडाँडामा आयोजित कार्यक्रममा संस्थाले कविडाँडा सुवर्ण तुलसी काव्य पुरस्कार नेपाली लेखक संघका केन्द्रीय अध्यक्ष तीर्थ श्रेष्ठलाई प्रदान गरियो । यस पुरस्कारको राशी ३० हजार १६० रूपैयाँ छ । १५ हजार १६० रूपैयाँ राशिको कविडाँडा साहित्य सम्माान तथा देव-खीना स्मृति पुरस्कार २०७९ लेखक साहित्यकार रेशम विरही र तुलसी थापालाई प्रदान गरियो ।
कविडाँडा अविनाशी उत्कृष्ट कृति पुरस्कार २०७८ ‘मोक्ष’ उपन्यासका लागि सिर्जन अविरल लाई प्रदान गरियो । सो पुरस्कारको राशि १५ हजार १६० रूपैयाँ रहेको छ । कविडाँडा राष्ट्रिय युवा वाङ्ममयी पुरस्कार तथा सम्मान युवा गजलकार लेखराम सापकोटालाई प्रदान गरिएको छ । पुस्कारको राशि १५ हजार १६० रूपैयाँ रहेको छ ।
