दियालो साहित्य सरगमद्वारा आयोजित बिशेष कार्यक्रममा नेपाल प्रज्ञाप्रतिष्ठानका उपकुलपति गङ्गाप्रसाद उप्रेती ,लेखक तथा प्रसिद्ध व्यवसायी गैरआवासीय नेपाली संघका पूर्वअध्यक्ष जीवा लामिछाने लगायतले ले शनिबार शान्ति शर्माका सपनाको समाधि कविता संग्रह र नसोधिदेऊ विन्ती’ नामक म्युजिक भिडियो सार्बजनिक गरेका हुन्।
कार्यक्रममा शर्माको सो कृतिमाथि प्राज्ञ देवी नेपाल, प्रल्हाद पोखरेल, मोमिला जोशी र आङदाबा शेर्पाले टिप्पणी र शुभकामना प्रकट गरेका थिए ।
कवि शर्माले आफ्नो जन्मभूमि सोलुखुम्बूको परिवेशलाई समेटेर कविता रचना गरिएको बताइन् । कवितासंग्रहमा प्रेम, प्रकृति र समसामयिक विषयवस्तुहरूलाई उठान गरिएको पनि उनकाे भनाइ थियो ।
यसअघि उनका ‘अम्लान फूल’, २०७४ गजल कृति र ‘बार्दलीमा जून’, २०७६ मुक्तक कृति बरमा आइसकेका छन् । गीत लेखनमा पनि उत्तिकै सक्रिय शर्मा सुन्दर लेखन कलाका साथै मधुर वाचन, गायन कला पनि भएकी स्रष्टा हुन् ।साझा प्रकाशनले प्रकाशन गरेको कवितासंग्रहमा ४७ वटा छन् । सोही कार्यक्रममा सार्बजनिक ‘नसोधिदेऊ बिन्ती’म्युजिक भिडियोको निर्देशन निशान घिमिरेले गरेका छन् । उक्त म्युजिक भिडियोमा धीरेन शाक्य, शान्ति शर्मा र मोना वर्णवालको अभिनय रहेको छ। शान्ति शर्माद्वारा रचित गीतमा हरि लम्सालले संगीत गरेका छन् भने वाणिका प्रधानले आवाज दिएकी छन्।
