नेपाली विषयमा पहिलो महिला प्राध्यापक प्रा.डा गार्गी शर्मालाई नारी विद्वत रत्न विभूषण प्रदान गरिएको छ । टोखा नगरपालिकाको सहकार्यमा संसाक श्रष्टा सम्मान २०७९ द्वारा आयोजित श्रष्टा सम्मान कार्यक्रममा शर्मालाई जनस्तरबाट सो विभूषण प्रदान गरिएको हो ।
प्रा.डा शर्मालाई देशभरबाट १५ वटा संघ–संस्थाहरुले सो उपाधि दिएर सक्मान गरेका हुन् । विभूषण ग्रहण गर्दै शर्माले आफू आफ्नी आमाको प्रेरणाको कारणले साहित्यमा लागेको बताइन् । शर्माले नेपाली भाषाको शिक्षिका भएकोले विद्यार्थीहरुलाई पढाउने क्रममा जानअन्जानमै ‘आमा’ महाकाव्य लेखेको सुनाइन् ।
कार्यक्रमका प्रमुख अतिथि नेपाल प्रज्ञा प्रतिष्ठानका सदस्य सचिव जगतप्रसाद शर्माले नारी विद्वत रत्न विभूणद्वारा विभूषित शर्मालाई बधाई दिँदै राजा जनकको वौद्धिक समारोहमा शास्त्रास्त्र गर्ने गार्गी जस्तै बन्न शुभकामना दिए ।
अन्य सम्मानति हुनेहरुमा प्रा.डा भूपहरि पौडेल, सिर्जना दुवाल ,जय छाङ्छा, घनबहादुर थापा र भवानी मैया पन्त रहेका छन् । कार्यक्रमको अध्यक्षता साहित्यकार तारा केसीले गरेकी थिइन् भने साहित्यकार रत्नप्रसाद अनामणि श्रेष्ठले धन्यवाद दिएका थिए । कार्यक्रमको सञ्चालन संसाक मासिक पत्रिकामा सम्पादक उमेश पाण्डलेले गरेका थिए ।
