मञ्जुश्री थापाको अल अफ अस इन आवर ओन लाइभ्सको  अनुवाद  ‘एक्लै एक्लै’

लेखक मन्जुश्री थापा लिखित अंग्रेजी भाषाको उपन्यास ‘अल अफ अस ईन आवर वोन लाईभ्स’को नेपाली अनुवाद ‘एक्लै एक्लै’को विमोचन भएको छ । उज्जवल प्रसाईले अनुवाद गरेको यो उपन्यासलाई सांग्रिला बुक्सले बजारमा ल्याएको हो ।
ललितपुरको झम्सिखेलमा आयोजित एक कार्यक्रमा पुस्तक सार्वजनिक भएको हो । कार्यक्रममा अनुवादक प्रसाईले अनुवादका क्रममा भोगेका अप्ठ्यारा र रमाइला अनुभव सुनाएका थिए ।
लेखक थापाले अनुदित कृति अनुवादककै भएको बताएकी थिइन् । ‘अनुवादको कुनै पनि सन्दर्भमा मेरो कुनै ‘रिजर्भेसन’ छैन,’ उनले भनिन्, ‘लेखक जत्तिकै अनुदित कृतिको हकदार अनुवादक पनि हो ।’‘एक्लै एक्लै’ साङ्ग्रिला बुक्सले प्रकाशन गरेको हो । नेपालीमा अनुवाद गरिएको यो लेखक थापाका पहिलो उपन्यास हो । पुस्तकको मूल्य ५९५ रुपैयाँ राखिएको छ ।