‘हार्मोनी माउन्टेन एन्ड ओशन’ नामक कला प्रदर्शनी ग्यालरी यम क्युब चाकुपाटमा सुरु भएको छ । नेपाली र कोरियाली कलाकारहरूको संयुक्त सो कला प्रदर्शनीमा नेपाली र कोरियाली कलात्मक अभिव्यक्तिको सुमधुर मिश्रणलाई देखाउँदै सांस्कृतिक सूक्ष्मताहरू एक अर्कासँग गाँसिएको क्यानभासको माध्यमवाट प्रस्तुत गरिएको छ ।
नेपाली कलाकारहरूको तर्फबाट प्रतिमा थकाली, सुशीला सिंह, सुरेश महर्जन, रवीन्द्र श्रेष्ठ , मनिषलाल श्रेष्ठ प्रदर्शनीमा सहभागी कलाकारहरू हुन् भने कोरियाली कलाकारहरूमा सियोल आर्ट हाई स्कुलबाट स्नातक गरेको किम जावोन, कोह चाङ सुन , ली टाङ्ग्योङका विभिन्न नयाँ प्रयोगात्मक चित्रहरूलाई प्रदर्शनीमा समावेश गरिएको छ ।
कार्यक्रममा समावेश कलाकार रवीन्द्र श्रेष्ठले आल्मुनियमको नेपाली सिक्काबाट बनाइएको ‘गलबन्दी (मफलर)’ निकै आकर्षक र सिम्बोलिक देखिन्छ । त्यस्तै कलाकार मनिषलाल श्रेष्ठले गिलास, पीतल र तामाको कला ‘होराइजन’ प्रस्तुत गरेका छन् । सन्तुलित यात्राको प्रतीक बनाउँदै, कलाकृतिले सामञ्जस्यपूर्ण अस्तित्वको सारलाई मूर्त रूप दिने भावको सो चित्र पनि धेरैले रुचाइएको यस प्रदर्शनीको आकर्षक कला हुन् ।
’हार्मोनी: माउन्टेन र ओशन’ ले परम्परागत कला प्रदर्शनीहरू भन्दा भिन्न रूपमा दर्शकहरूलाई बहुदेशिय सांस्कृतिक अभिव्यक्ति, विविध परिप्रेक्ष्यहरू, र रचनात्मकताको परिवर्तनकारी शक्तिको फ्युजनसँग कला मार्फत संलग्न गराइएको अनुभव हुन्छ ।
