दूध खाएर घाँस दिने पनि यहीँ छन्
घाँस खाएर दूध दिने पनि यहीँ छन्
खुट्टा तानेर जाने मात्रै छैनन्
भाग खोसेर खाने मात्रै छैनन्
भोकै बसेर ख्वाई-दिने पनि यहीँ छन्
दूध खाएर घाँस दिने पनि यहीँ छन्
तगारोले बाटो बार्ने मात्रै छैनन्
पुल भाँचेर झार्ने मात्रै छैनन्
बोकेर पारि तारि- दिने पनि यहीँ छन्!
दूध खाएर घाँस दिने पनि यहीँ छन्
रेट्नमा नै ध्यान दिने मात्रै छैनन्
आफ्ना लागि ज्यान लिने मात्रै छैनन्
अरूका लागि ज्यान दिने पनि यहीँ छन्
दूध खाएर घाँस दिने पनि यहीँ छन्
