नेपाल ललितकला प्रज्ञा–प्रतिष्ठान र एपेक नेपालको सहकार्यमा आयोजित ‘काव्य–चित्र सिर्जना उत्सव’ मा साहित्य र चित्रकलाको अद्वितीय संगम प्रस्तुत गरियो। कार्यक्रममा १५ कवि र १५ कलाकारले सहकार्य गर्दै कवितालाई चित्रकलामा रूपान्तरण गर्ने प्रयास गरे।
साहित्य र चित्रकलाको समन्वयलाई प्रोत्साहन दिन आयोजना गरिएको यो कार्यक्रमले सिर्जनशीलता र कलाको शक्ति झल्काउने काम गर्यो। कार्यक्रमका प्रमुख अतिथि समसामयिक चित्रकला विभाग प्रमुख सञ्जय बान्तवा राईले साहित्य र ललितकलाबीचको सम्बन्धलाई निरन्तरता दिन सकियो भने सर्जकहरूले सिर्जनाका नयाँ अवसर पाउने बताउनुभयो। एपेक नेपालका अध्यक्ष विश्वविमोहन श्रेष्ठले नेपालमा कला र साहित्यको यस्तो सहकार्यले नवीन प्रयोगहरू गर्न थप प्रेरणा दिने विश्वास व्यक्त गर्नुभयो।
कार्यक्रममा विश्वमोहन श्रेष्ठ, राजेन्द्र शलभ, विधान आचार्य, स्नेह सायमी, किशोर पहाडी, गीता कार्की, मोमिला, रजनी ढकाल लगायतका कविहरूको कवितालाई किरण मानन्धर, रमेशनाथ खनाल, रामेश्याम मुल्मी, केशवराज खनाल, दीपेन्द्रमान बनेपाली, देवेन्द्रकुमार काफ्ले ‘थुम्केली’, दिनेश्वर महतो, अरुणा हिङमाङ, विपना महर्जन, र सुन्दर लामा जस्ता कलाकारहरूले क्यानभासमा उतार्नुभएको थियो।
कार्यक्रममा विश्वमोहन श्रेष्ठ, राजेन्द्र शलभ, विधान आचार्य, स्नेह सायमी, किशोर पहाडी, गीता कार्की, मोमिला, रजनी ढकाल लगायतका कविहरूको कवितालाई किरण मानन्धर, रमेशनाथ खनाल, रामेश्याम मुल्मी, केशवराज खनाल, दीपेन्द्रमान बनेपाली, देवेन्द्रकुमार काफ्ले ‘थुम्केली’, दिनेश्वर महतो, अरुणा हिङमाङ, विपना महर्जन, र सुन्दर लामा जस्ता कलाकारहरूले क्यानभासमा उतार्नुभएको थियो।
उत्सवपछि कविहरूले आफ्ना कविता वाचन गरेका थिए, जसले कलाकारहरूलाई सिर्जनाको आधार प्रदान गरेको थियो। यो उत्सवले साहित्य र चित्रकलाको सजीव प्रदर्शन गर्दै कला पारखीहरूलाई नवीन अनुभूति दिएको आयोजकहरूले बताए।
