उपन्यास,कथा,निबन्ध ,कविता लगायतका बिधामा सक्रिय कलम चलाउने तथा साहित्यको अनुसन्धानमा लागि पर्ने साहित्यकार विजय सापकोटाको अनुसन्धानमुलक कृति “काभ्रेली नेपाली साहित्यको रुपरेखा “को दोस्रो संस्करण प्रकाशन भएको छ ।
२०६७ सालमा पहिलो पटक प्रकाशित भई हाल परिमार्जित एवं संशोधित रुपमा बजारमा आएको यो पुस्तक काभ्रेपलान्चोक जिल्लामा भाषाको साहित्यिक परम्पराको सर्वेक्षण गर्दै तयार पारिएको ऐतिहासिक पुस्तक हो । प्रस्तुत पुस्तकले साहित्यिक इतिहासलाई लिपिबद्द् गर्ने क्रममा काभ्रेली साहित्यको आदिमकालदेखि वर्तमानसम्मका साहित्यिक लेखन,प्रकाशन र साहित्यशीत जोडिएका अभियान र समग्र गतिविधिको अभिलेख राखेको छ ।
मुख्य बिषय साहित्य हुँदाहुँदै पनि यस पुस्तकमा काभ्रेपलान्चोक जिल्लाको भौगोलिक ,राजनीतिक तथा सामाजिक -सांस्कृतिक अबस्था र इतिहासलाई समेत समेटिएको यो पुस्तक सबैका लागि उपयोगी र संग्रहणिय छ ।विजय सापकोटाका यस अघि गाउँ खोज्दै जादा(कविता संग्रह ),आमाको माया (बाल उपन्यास ),अनावरण (कथा संग्रह ) र उडान(तन्नेरी उपन्यास )प्रकाशित भैसकेका छन। काभ्रेली साहित्यको रुपरेखाको दोश्रो संकरण कलम प्रकाशनले प्रकाशित गरेको हो ।काभ्रेली नेपाली साहित्यलाई नजिकवाट नियाल्न चाहानेहरुको निम्ति यो पुस्तक अत्यन्तै उपयोगी छ।
काभ्रेली नेपाली साहित्यको रुपरेखाको दोश्रो संस्करण
