सखी प्रतिष्ठानले आयोजना कमला रिसालको गीति एल्बम ‘आमाको काखै प्यारो’ सार्वजनिक भएको छ । सो समारोहमा उक्त गीति एल्बमको सार्वजनिक कार्यक्रमका प्रमुख अतिथि नेपाल प्रज्ञा प्रतिष्ठानका सदस्यसचिव प्रा. जगतप्रसाद उपाध्यायले गर्नुभएको हो ।
कार्यक्रममा उपाध्याय लगायत सखी प्रतिष्ठानका संरक्षक एवं साहित्यिक पत्रकार संघका अध्यक्ष साहित्यकार राधेश्याम लेकाली, वरिष्ठ पत्रकार देवप्रकाश त्रिपाठी, नेपाल सङ्गीत तथा नाट्य प्रज्ञा प्रतिष्ठाका प्राज्ञसभा सदस्य एवम् अनेसासका केन्द्रीय उपाध्यक्ष प्राज्ञ बाबा बस्नेत, गुन्जनकी अध्यक्ष हिरण्यकुमारी पाठक, गीतकार संघ नेपालका निवर्तमान अध्यक्ष चूडामणि देवकोटा, वरिष्ठ सङ्गीतकारहरू न्हु बज्राचार्य र राजु सिह, साहित्यिक पत्रकार संघका पूर्व अध्यक्ष सर्जक नरेन्द्रबहादुर श्रेष्ठ, वरिष्ठ समालोचक प्रमोद प्रधान, पत्रकार एवम् लेखक जयदेव गौतम, बागेश्वरी सङ्गीतालय बुटवलका अध्यक्ष वरिष्ठ सङ्गीतकार सुरेश सेन्च्युरी, एसएसपी डम्बरबहादुर विश्वकर्मालगायतले सो गीति एल्बमको लोकार्पण गर्नुभएको थियो । सखी प्रतिष्ठानकी अध्यक्ष मन्जिला अनिलको अध्यक्षतामा सप्पन्न सो समारोहमा प्रमुख अतिथि प्रा. जगतप्रसाद उपाध्याय प्रेक्षितले कमला रिसाललाई बधाई ज्ञापन गर्दै आमाको महिमाबारे बोल्नु भएको थियो ।
सर्जक कमला रिसाल र उहाँकी माता राममाया घिमिरेलाई मायाको चिनोसहित विशेष सम्मान पनि गरिएको सो कार्यक्रममा प्राज्ञ बाबा बस्नेतले सर्जक कमला रिसालको परिचय राख्नु भएको थियो भने सर्जक कमला रिसालले आफ्नो साङ्गीतिक यात्राको बारे मन्तव्य राख्दै गीत गाउनु भएकोथियो ।
