हिलिङ् जाजरकोट योजना अनुरुप स्वस्तिश्री गुरुकुल आई.बी. वर्ल्ड विद्यालयले ललितपुर स्थित जी. जी. मचान रेस्टुरेन्टमा चित्रकला प्रदर्शनीको शुरुवात गरेको छ । चित्रकला प्रदर्शनीको पहिलो दिनको उद्घाटन कार्यक्रममा उपस्थित सम्पूर्ण कलाकारहरुले चित्रकलामार्फत भूकम्प पीडितहरुको सहयोगार्थ काम गर्न पाउँदा एकदमै खुशी लागेको बताउनु भयो । हिलिङ् जाजरकोट कार्यक्रम आयोजना गरेर विद्यालयले निर्वाह गरेको सामाजिक दाहित्वप्रति कलाकारहरुले धन्यवाद तथा कृतज्ञता प्रकट गर्नुभयो ।
प्रदर्शनीमा राखिएको कलाकारहरूबाट सृजित चित्रकलाहरुको बिक्रीबाट उठेको रकम जाजरकोट भूकम्प पीडितहरुको सहयोगार्थ प्रयोग गरिनेछ । विद्यालयले केही साता अघि मात्रै जाजरकोट र रुकुमका भूकम्प पिडितका लागि स्वस्तिश्री गुरुकुल आई. बि. वर्ल्ड विद्यालयले विद्यार्थी, अभिभावक, शिक्षक, विद्यालय स्टाफ सबैको स्वेच्छिक सहयोग र योगदानबाट पहिलो चरणको सहयोग स्वरुप कपडा, स्टेस्नरी सामग्री र खाद्यान्न प्रभावित क्षेत्रमै पुगी पीडितहरुलाई वितरण गरीसकेको छ ।
प्रदर्शनी र बिक्रीका लागि चित्रकलाहरु जी. जी. मचान रेस्टुरेन्टमा एक हप्तासम्म राखिने छ । हिलिङ् जाजरकोटलाई लागि भनेर स्वस्तिश्री गुरुकुल आईबी वर्ल्ड विद्यालयले गत मंसिर २४ गते आईतवारका दिन देशका १० अग्रणी भिजुअल आर्टिस्टलाई विद्यालय परिसरमा बोलाई चित्रकलाको आयोजना गरेको थियो ।
