ग्वंगः सिरपा सम्मान २०७८ बाट ‘अभिवन्द्य’ निबन्ध कृतिका निवन्धकार श्रीओम श्रेष्ठ राेदन र ‘वीरग्रन्थ’ निबन्ध कृतिका सर्जक तिलक प्रकास पुरस्कृत तथा सम्मानित भएका छन् ।
मंगलबार साहित्यिक सम्मान सङ्गमकाे आयाेजनामा श्रेष्ठ र राेदनलाई जनहि रू ५० हजार ५ रूपैँयाँ पुरस्कार प्रदान गरिएकाे हाे । नेपाल प्रज्ञा प्रतिष्ठानका कुलपति गंगा प्रसाद उप्रेती र ग्वंगःले उक्त पुरस्कार प्रदान गरेका हुन् ।
कार्यक्रमलाई सम्वाेधन गर्दै कुलपति उप्रेतीले ग्वंग:भक्तपुरकाे मात्र नभएर मुलुकमै निर्वन्ध निबन्ध लेख्ने पहिलाे संस्कृतिविद् रहेकाे र मुलुकभित्र निबन्ध जगतमा पहिलाे पटक ठूलाे राशीकाे पुरस्कार स्थापना कार्य सह्रानिय रहेकाे बताउनु भयाे ।
वरिष्ठ संस्कृतिविद् तथा साहित्यकार तेजेश्वरबाबू ग्वंगले आफ्नाे जीवनमा नुन,चुन र सुनमा खर्च नहुने रकम अर्थात आफुले जीवनभर पाएका पुरस्कार रकम संकलन गरेर अक्षकाेष खडा गरि ग्वंगः सिरपा सम्मान स्थापना गरेकाे बताउनु भयाे ।
पुरस्कृत तथा सम्मानित सर्जक श्रीओम श्रेष्ठ राेदनले ग्वंग नेपाली निबन्ध र साहित्यकाे मात्र धराेहर नभई संस्कृति भित्र विज्ञान खाेज्ने र पुष्टि गर्ने संस्कृतिविद् रहेकाे बताउनु भयाे । उहाँले राजनेताहरूबाट दिइने पुरस्कार तथा सम्मान भन्दा विशुद्ध साहित्यकारबाट प्रदान गरिने पुरस्कारकाे ओैचित्य सबैभन्दा उच्च रहेकाे बताउनु भयाे ।
त्यस्तै पुरस्कृत तथा सम्मानित अर्का सर्जक तिलक प्रकासले आफ्नाे कृति वीरग्रन्थले पाएकाे पुरस्कार तथा सम्मान जिउँदा सहिदहरूकाे सम्मान भएकाे बताउनु भयाे । उहाँले कृतिमा जिउँदा सहिदहरूका विषय समेतेर कृति तयार पारिएकाे बताउनु भयाे ।
कार्यक्रममा प्राज्ञ ध्रुव मधिकर्मीले पुरस्कारकाे महत्वबारे प्रकाश गर्नु भएकाे थियाे । त्यस्तै पुरस्कृत तथा सम्मानित सर्जकहरूकाे कृतित्व र व्यक्तित्व बारे प्रा.डा.लक्ष्मणप्रसाद गाैतमले प्रकास गर्नु भएकाे थियाे ।
उक्त पुरस्कार सर्जक ग्वंगःकाृ जन्मदिनकाे अवशर पारेर प्रदान गर्नु भएकाे हाे । ग्वंग मंगलबार ८७ वर्षमा प्रेवेश गरेकाे छ । कार्यक्रम साहित्यिक सम्मान सङ्गमकाे आयाेजनामा भएकाे हाे ।
