पारिजात स्मृति केन्द्रले बर्सेनि प्रदान गर्दै आएको पारिजात संघर्षशील नारी सम्मानबाट यो वर्ष सिन्धुलीकी गोमा देवकोटालाई सम्मानित गरिने भएको छ । केन्द्रका महासचिव दिलसुन्दर श्रेष्ठका अनुसार २०७९ को पारिजात सृजना सम्मान लेखक शार्दूल भट्टराई, बाल साहित्य सम्मान गंगा कसजू (पाल्पा) र कला सम्मान संगीतकार गुज्ये मालाकार (कीर्तिपुर) लाई प्रदान गरिने भएको छ । घोषणा भएका सम्मान वैशाख ५ मा साहित्यकार पारिजातको ३०औं स्मृति दिवसका अवसरमा प्रदान गरिने भएको छ ।
स्मृति केन्द्रमा आयोजित समारोहमा साहित्यिक पत्रिका ‘वेदना’ को विमोचन गरिएको थियो । समारोहमा पारिजातकी बहिनी तथा लेखक सुकन्यासाग कवि महेश मास्केले अर्न्तसंवादसमेत गरेका थिए ।
