वर्तमानमा हामी नेपालको बालअधिकार अभियानको तीन दशक पूरा गरिसकेको अवस्थामा छौँ । बालअधिकारका क्षेत्रमा हाम्रो तीन दशकभन्दा लामो अभियानको महत्वपूर्ण प्राप्तिका रुपमा राष्ट्रिय प्रतिबद्धतास्वरुप संसारसामू गौरव गर्न लायक नेपालको संविधान २०७२ आएको छ । यसले बालबालिकाको सर्वोत्तम हितलाई आप्mनो प्रतिबद्धताका साथ बालअधिकारका समग्रपक्षलाई मौलिक हकका रुपमा व्यवस्था गरेको छ ।
संविधानको भावनाअनुरुप ऐनकानून र संरचनाको स्थापनाबाट मात्र त्यसको औचित्य साबित हुनेगर्दछ । बालअधिकार महासन्धीको अनुमोदन गरेको दिन भदौ २९ लाई हामीले राट्रिय बालदिवसका रुपमा मनाउने प्रथा बसालेका छौँ । बालअधिकार महासन्धिका प्रावधान र हाम्रो संवैधानिक व्यवस्थानुरुपका प्राप्तिहरु बालबालिकासमक्ष पु¥याउन सकेमा यो दिवस मनाएको सार्थकता रहनेछ ।
हामी बालअधिकार अभियानका अभियन्ताहरुका तर्फबाट बालअधिकार महासन्धीको २५औँ वर्षमा मानवअधिकार राष्ट्रिय महाभेलाको संयोजन गर्ने अवसर मिलेको थियो । थ्यसै पुनित सन्दर्भमा चाइल्ड नेपालका तर्फबाट सबै अभियन्ताहरुका साथ र सहकार्यमा राष्ट्रिय बालअधिकार सम्मानको स्थापना गरिएको थियो ।
यो सम्मानले हालसम्म श्री गौरीप्रधान, श्री अगाथा थापा, श्री कसजू सम्मानित भइसक्नुभएको छ र यस वर्षको सम्मानबाट लामो समयदेखि बालबालिकाका आवाजलाई रेडियो नेपालबाट मुखरित गराएर लोकपृयता हासील गरेकी, अपाङ्गता अधिकार, समावेसी शिक्षा तथा बालबालिकामा हुने सारिरीक तथा मानसिक हिंशा विरुद्धको अभियानका साथै बालसहभागिताका लागि बालक्लबको राष्ट्रव्यापि अभ्याससँग जोडिनुभएकी बालअधिकार अभियन्ता श्री नुपूर भट्टाचार्यलाई सम्मानित गरिएको हो ।
