अन्तर्राष्ट्रिय नेपाली साहित्य समाज (नेपाल) को महाधिवेशनले राजेन्द्र केसीलाई अध्यक्ष पदमा निर्वाचित गरेको छ । फिल्मकर्मी, कवि तथा लेखक केसी निर्विरोध रुपमा अनेसास (नेपाल) को अध्यक्ष पदमा निर्वाचित भएका हुन् ।
केसीको नेतृत्वमा नवनिर्वाचित कार्यसमितिको उपाध्यक्षमा मन्जिला शर्मा र निर्मलरमण पराजुली निर्वाचित भएका छन् भने महासचिवमा रन्जना निरौला निर्वाचित भएकी छन् । त्यस्तै, सुशीला खड्का ‘हसिना’ सचिव र कमला रिसाल कोषाध्यक्ष पदमा निर्वाचित भएका छन् ।
त्यसैगरी, सदस्यहरुमा आकाश अधिकारी, शान्तिमाया गिरी, डी.आर., शान्ति न्यौपाने रिसाल, दुर्गाबहादुर शाह ‘बाबा’, सीता विष्ट कार्की, हिरयण्यलाल ज्ञवाली, सुमन वर्षा, सुचिता काफ्ले द्वारिका कुइँकेल र इन्दिरा ढकाल निर्वाचित भएका छन् ।
त्यस्तै, नवनिर्वाचित कार्यसमितिको पहिलो बैठकले रिषभदेव घिमिरे, मधु पाठक, केभी स्मित, निर्मला कोइराला र कल्पना खरेललाई सदस्यमा मनोनित गरेको छ ।
