रोल्पा नगर साहित्य, कला तथा संगीत प्रतिष्ठानले आगामी जेठ ५ र ६ गते रोल्पा जिल्लाको सदरमुकाम लिवाङमा आयोजना गर्ने कविता प्रतियोगिताका लागि देशभरिबाट आह्वान गरिएका कविताहरूमध्येबाट उत्कृष्ट १० चयन गरेको छ ।
प्रतियोगिताका लागि १६५ वटा कविता प्राप्त भएपछि पहिलो चरणको मूल्याङ्कनबाट उत्कृष्ट १०मा पर्न सफल भएका कविताहरू मध्येबाट सर्वोत्कृृष्ट छानिने महोत्सवका संयोजक तथा रोल्पा नगर साहित्य, कला तथा संगीत प्रतिष्ठानका अध्यक्ष नवीन लोचन मगरले बताउनुभएको छ ।
उत्कृष्ट १० मध्येमा अञ्जान प्रदीपको ‘एक कविको सुसाइड नोट’, सुरज पराजुलीको ‘अभिनय’, ‘घेरा मिचिदिनू’, सल्यान, काभ्रा, त्रिवेणी १ का कल्पना परियारको ‘बा’, एलिसा एकलासको ‘पुतलीको हत्या’, सिर्जना अर्यालको ‘अनुत्तरित प्रश्न’, राधिका कल्पितको ‘हो, म नास्तिक हुँ’, रोशन रिजालको ‘हार’, अनिल अदृश्यको ‘रुमालको विज्ञापन’ र जित आजितको ‘एक वकपत्र’ कविताहरू चयन गरेक छन् ।
