जोशी रिसर्च इन्ष्टिच्यूटबाट दुवाल र श्रेष्ठ सम्मानित हुने

संस्कृति शिरोमणि हरिराम जोशीको सक्रियतामा स्थापित तथा जोशी रिसर्च इन्ष्टिच्यूट, ललितपुरबाट सञ्चालित ‘हरिराम जोशी संस्कृति पुरस्कार’ जनमत साहित्यिक मासिकका प्रधान सम्पादक मोहन दुवाललाई तथा ‘कदमकेशरी जोशी सम्मान’ले इतिहासकै खोजी, लेखन र प्रकाशनमा सक्रिय रुपले लाग्दै आउनुभएका सक्रिय इतिहासकार प्रा.डा. पुरुषोत्तम लोचन श्रेष्ठलाई प्रदान गर्ने निर्णय भएको इन्ष्टिच्यूटले जनाएको छ । उक्त पुरस्कार २०८१ वैशाख ४ गते ललितपुरमा आयोजना हुने कार्यक्रममा प्रदान गरिने छ । दुवै पुरस्कार रु. २५,०००।– (पच्चीस हजार) नगद सहित प्रदान गरिने पनि समाचारमा उल्लेख गरिएको छ ।