साहित्यकार महेश पौड्याल अमेरिकाको डालसमा सम्मानित भएका छन् । डालस सोसाइटी अफ अमेरिकाले साहित्यकार पौड्याललाई उनको साहित्यिक योगदानको कदर गदै ‘करेजियस सर्भिस अवार्ड’ डालसस्थित नेपाली मन्दिरको सभाभवनमा सम्मानित गरेको हो ।
नेपाली सोसाइटी अफ डालसका अध्यक्ष राजेन्द्र वाग्लेको अध्यक्षतामा आयोजित उक्त विशेष कार्यक्रममा नेपाली सोसाइटी अफ डालस, ग्लोबल नेपाली स्कूल तथा श्रष्टा साँझ अमेरिकाले आयोजना गरेको एक संयुक्त कार्यक्रममा कवि वैकुण्ठराज आचार्यको अंग्रेजी कवितासंग्रह ‘द लोस्ट पेब्बल्स’ को पनि विमोचन गरियो ।
विमोचित कृतिमाथि बोल्दै समालोचक महेश पौड्यालले भने, आचार्यका कवितामा पीडाको विरेचन, अतीत मोह, प्रकृतिप्रेम र स्वदेशको मायाजस्ता भावहरूको बाहुल्य पाइन्छ । आयार्चका कविता सरल, गम्भीर र विम्बात्मक रहेको पनि उनले टिप्पणी गरे ।
यस अवसरमा लेखक महेश पौड्याल र पाठकबीच अन्तरक्रिया तथा पुस्तक हस्ताक्षर कार्यक्रम पनि सम्पन्न भयो ।
