काभ्रेमा नै पहिलो चोटि सुरु भएको ‘प्रगति वाङ्मय पुस्तक मेला’को समुद्घाटन दसैँको शुभ अवसरमा प्राज्ञ/नयाँ पुस्ताका लेखकहरू अमर न्यौपाने र अगिव बनेपाली (त्रैलोक्यमान) ले रिबन काटेर थुप्रै पुस्तक प्रेमीहरू बिच समुद्घाटन गरे । उक्त अवसरमा बनेपामा स्वागत गर्दै वरिष्ठ साहित्यकार मोहन दुवालले पुस्तकको महत्वबारे र पुस्तक अध्ययन गर्नै पर्ने विषयमा आफ्नो विचार राख्दै अज्ञानीहरूले ज्ञानलाई रुचाउँदैनन् । यो स्थितिलाई चिर्न लेखक–वाङ्मय सेवीहरूले अभियान चलाइ रहनु पर्छ । समाजमा ज्ञान व्याप्त पार्न सके समाजको प्रगति हुन्छ भन्दै आफ्नो विचार राखे । अनुभूतिलाई तिखार्न र ज्ञानलाई बढाउन पुस्तक पढ्नै पर्ने आफ्नो अनुभव सुनाए । र लेखकहरूले पनि देशको दुरावस्थाबारे दह्रो भई आफ्नो अभिव्यक्ति पोख्नु पर्ने विचार राखे ।
पुस्तक मेलामा विद्यार्थीहरू, शिक्षकहरू, बुद्धिजीवीहरू र लेखकहरूको बाक्लो उपस्थिति थियो । उक्त मेलामा सहभागी भएका नयाँ पुस्ताका चर्चित उपन्यासकार अमर न्यौपानेले ‘स्थानीय तहको एउटा वडामा कम्तीमा एउटा पुस्तकालय हुनु आवश्यक रहेको र अरू भौतिक संरचनाको विकास गर्दै शिक्षाको उत्थानका लागि साहित्य, कला र संस्कृतिको माया गर्नु पर्ने बताए । यसै गरी पछिल्लो पल्ट सहभागी नयाँ पुस्ताका चर्चित उपन्यासकार सुबान भट्टराईले पनि आफ्नो विचार राख्दै बनेपामा भएको पुस्तक मेलाको मुक्त कण्ठले प्रशंसा गरे । पुस्तकको माया–मोहबारे आफ्नो अनुभव सुनाउँदै अक्षरको अध्ययनले आफूलाई सम्वृद्धिको बाटोमा पुर्याउने आफ्नो अनुभव सुनाउँदै देश र जनताका लागि पनि आफ्नो विचार अनुभूति मार्फत पोख्दै आएको विचार व्यक्त गरे ।
न्यु प्रगति पुस्तक भण्डारको आयोजनामा सञ्चालित उक्त पुस्तक मेला दशैंको घटस्थापना सम्म सञ्चालित हुने कुरो बताउँदै वाङ्मयका पुस्तकहरू पढ्न छोडेको स्थितिमा ती पुस्तकहरूको पनि अध्ययन होस् र प्रचारमा जाओस् भनेर यस मेलालाई सञ्चालन गरेको हुँ । र प्रत्येक वर्ष सुरु गर्दै जाने लक्ष्य राखेको आफ्नो प्रतिबद्धता सुनाए ।
