पोखराका साहित्यिक संस्थाहरूले उहाँको ८१ वर्षको अवसर पारी नागरिक अभिनन्दन तथा रथारोहण गर्ने भएका छन् ।
१९९९ सालको चैत ५ गते कास्कीमा जन्मिनु भएका कलाकार दुर्गा बराल वात्स्यायनका नाममार्फत व्यंग्यचित्रका माध्यमबाट नेपालीको समाज र राजनीतिका विकृति, विसंगति केलाउँदै व्यंग्य चित्रकारितामा सर्वोच्च शिखरका रुपमा आफूलाई उभ्याउनुभएको छ ।
व्यंग्य चित्रकारिताका माध्यमबाट नेपाली प्रजातान्त्रिक आन्दोलनलाई प्रेरित गर्दै प्रजातन्त्रको संस्थागत विकास र सुदृढीकरणमा विशिष्ट योगदान पु-याउनुभएको छ ।
चैत ५ गते कलाकार बरालकै निवास पोखरा ३ नदीपुरबाट सुरु भई विन्ध्यवासिनी मन्दिर परिसरको सभाकक्ष पुग्ने रथारोहणमा विशेष नागरिक अभिनन्दनका लागि ३१ वटा विभिन्न संस्थाहरू जुटेका छन् ।
