कथाकार रेणुका जिसीको नवीनतम कथासंग्रह ‘सनेस’ राजधानीमा आयोजित एक कार्यक्रमबीच लोकार्पण भएको छ। समीक्षक राजकुमार बानियाँ, प्रा.डा. ज्ञानु अधिकारी, लेखक जिसी र प्रकाशक पुष्पराज पौडेलले संयुक्त रुपमा कृति लोकार्पण गरेका हुन्।
सनेसमा तराई र पहाडी परिवेशमा लेखिएका १२ ओटा कथा रहेका छन्। कृतिमाथि टिप्पणी गर्दै समीक्षक अधिकारीले पहाड र तराईका महिलाका विषय सुन्दर रुपमा कथामा आएको बताइन्।
यस्तै, अर्का समीक्षक बानियाँले कृतिमा उठाएका केही घटना नयाँ रहेको र लेखको प्रयास राम्रो रहेको बताए। आफ्नो भनाइ राख्दै लेखक जिसीले शिक्षण पेसामा हुँदा अनुभूत गरेका विषय र समाजको अध्ययन गरी कथा लेखेको बताइन्।
