नेपाली कला साहित्य डटकम प्रतिष्ठानले वर्ष २०७९ का लागि अमूल्य राष्ट्रिय कला श्री सम्मान र राष्ट्रिय कला श्री पुरस्कारहरूको घोषणा गरेको छ । ललितपुरमा बसेको निर्णायक समितिको बैठकले वरिष्ठ चित्रकार तथा नेपाल ललितकला प्रज्ञा–प्रतिष्ठानका पूर्व–कुलपति किरण मानन्धरलाई अमूल्य राष्ट्रिय कला श्री सम्मानबाट सम्मानित गर्ने निर्णय गरेको हो । यसै गरी यस वर्षको राष्ट्रिय कला श्री पुरस्कार प्रसिद्ध समालोचक प्राध्यापक डा. लक्ष्मणप्रसाद गौतमलाई, ससिद्धि राष्ट्रिय कला श्री युवा पुरस्कार लोकप्रिय कवि निबन्धकार भूपिनलाई, बद्री राष्ट्रिय कला श्री पत्रकारिता पुरस्कार वरिष्ठ पत्रकार तथा कवि डा. टङ्क उप्रेतीलाई, थिर छाया राष्ट्रिय कला श्री ललितकला पुरस्कार वरिष्ठ सृजनशील फोटोग्राफर जगदीश तिवारीलाई तथा पद्म नेत्र राष्ट्रिय कला श्री सङ्गीत पुरस्कार लोकप्रिय गायिका मेलिना राईलाई प्रदान गर्ने निर्णय गरेको छ ।
सो सम्मान र पुरस्कार छिटै नै काठमाडौँमा सम्पन्न हुने विशेष कार्यक्रमका बिच समर्पण गरिने छ ।
किरण मानन्धरलाई कलाश्री सम्मान
