प्रज्ञाभवन कमलादीमा आयोजित कार्यक्रममा साहित्य सदन नेपालले प्रतिवर्ष प्रदान गर्दै आएका हृदयचन्द्र स्मृति सम्मान २०७७ र २०७८ र तथा गोपालप्रसाद रिमाल पुरस्कार २०७८ र २०७९ वितरण ग¥यो। सो कार्यक्रममा २०७७को ह्दयचन्द्रसिंह प्रधान स्मृति सम्मान वरिष्ठ समालोचक प्रा.डा.ताराकान्त पाण्डेय तथा २०७८को सोही ह्दयचन्द्रसिंह प्रधान स्मृति सम्मान, नियात्राकार विष्णुप्रसाद शर्मा पराजुलीलाई अर्पण गरेको छ ।
त्यसैगरी गोपालप्रसाद रिमाल पुरस्कार २०७८ र २०७९कवि एवं सम्पादक वासुदेव अधिकारी र कवि एवं समालोचक डा.गीता त्रिपाठीलाई प्रदान गरको छ । वरिष्ठ सौन्दर्य चिन्तक निनु चापागाईं प्रमुख अतिथि, नेपाल प्रज्ञा(प्रतिष्ठानका सदस्य सचिव प्रा. जगत् प्रसाद उपाध्याय विशेष अतिथि एवं प्राज्ञहरू र विभिन्न साहित्यिक संस्थाका प्रमुख र प्रतिष्ठित स्रष्टाहरू अतिथि रहनुभएको थियो । उक्त कार्यक्रममा साहित्य सदनका सचिव मित्रलाल पंज्ञानीले हृदयचन्द्रसिंह र गोपालप्रसाद रिमालको योगदानका बारेमा र सदनका सदस्य देविका तिमिल्सिनाले पुरस्कृत चार जना स्रष्टाको योगदानका बारेमा मन्तव्य राख्नुभएको थियो ।
सो कार्यक्रम साहित्य सदनका कार्यवाहक अध्यक्ष प्रा.डा.हेमनाथ पौडेलको अध्यक्षतामा सम्पन्न भएको थियो भने सदनका सहसचिव प्रल्हाद पोखरेलले स्वागत मन्तव्य राख्नुभएको थियो ।
कार्यक्रममा पुरस्कृत स्रष्टाहरूले आफ्नो लेखन यात्राका बारेमा मन्तव्य राखेका थिए ।
