नेपालमै पहिलो पटक कविता ‘रियालिटी शो’ आउने भएको छ ।
साहित्यकार, गीतकार तथा कवि स्वर्गिय क्षेत्रप्रताप अधिकारीको सम्झँनामा कविता ‘रियालिटी शो’ आउने भएको हो । अधिकारीका छोरा अमन प्रताप अधिकारीका अनुसार शो को नाम ‘दी पोइट आइडल’ रहने छ ।
नेपालका थुप्रै रियालिटि शोको निर्देशन गरिसकेका अधिकारीले बुबाको सम्झँनामा कविता ‘रियालिटी शो’ ल्याउन लागेको बताउनु भएको छ ।
गीतकारका रूपमा प्रशिद्धि कमाएका स्वर्गिय क्षेत्रप्रताप अधिकारीका गीत तथा कविताहरूमा राष्ट्रियता, प्रकृति प्रेम, ग्रामिण समाजप्रतिको आकर्षण, युगीन बेथितिहरूको चित्रण पाइन्छ।
