साहित्यकार सूर्य लाकोजूको पनौतीमा बाह्र वर्षमा एक पटक लाग्ने मकर मेलाका विषयमा लेखिएका दुई पुस्तक र एक गीत लोकार्पण गरिएको छ। मकरमेलाको पहिलो दिन आयोजित कार्यक्रममा ‘पनौतीको बाह्रवर्षे मकरमेला’ र ‘Makar Mela of Panauti’ पुस्तक तथा पनौतीको चिनारी बोकेको गीत लोकार्पण गरिएको हो।
पुस्तकको लोकार्पण पनौती नगरपालिकाका मेयर भीम न्यौपाने, साहित्यकार तथा नेपाल साहित्यिक पत्रकार संघका अध्यक्ष मोहन दुवाल, आख्यानकार तथा समालोचक प्रभा बराल एवं लेखक लाकोजूले संयुक्त रूपमा गरेका हुन्।
कार्यक्रमकै क्रममा कवि सूर्यप्रसाद लाकोजूद्वारा रचित, विजयराम कर्माचार्यको स्वर, सुरेन्द्र श्रेष्ठको सङ्गीत रहेको एतिहासिक नगर पनौतीको गीत सार्वजनिक गरिएको थियो।
