म माटोमा खेल्छु, म माटोमै रम्छु
यो माटो नभए त म कहाँ रहन्छु ।
म माटोमा रोप्छु एक सानो विउ
अँकुर सुन्दर अति सौम्य देख्छु
झाँगिन्छ भोली त्यही सानो अंकुर
साग र सब्जी खुशीले म टिप्छु ।
फुल्दछ फुलहरु रंगी विरंगी
माटोकै मायाले ति हुर्केको देख्छु
सानो झुपडी या भब्य महल
आखिर माटोमै अडेको देख्छु ।
माटो नभए त कहाँ हुन्छ जीवन
सुन्दर यो माटो म हृदयले चुम्छु
महिमा माटोको गाएर के सक्नु
मरेर आखिर म माटोमै मिल्छु ।
