शास्त्रीय संगीतका गुरु गुरुदेव कामतको ६९ वर्षको उमेरमा निधन भएको छ।
गुरुदेव कामत शास्त्रीय संगीतमा निकै श्रद्धाका साथ लिइने नाम हो। शास्त्रीय सङ्गीतमा जीवन समर्पित गरेका उनी केही समययता अस्वस्थ थिए। उनको दुवै मिर्गाैलामा समस्या देखिएपछि डायलासिस गराउँदै आएका थिए।
पछिल्लो ४० वर्षदेखि निरन्तर काठमाडौंमा रहेर नेपाली गीत, संगीत, शास्त्रीय गायन क्षेत्रमा योगदान गर्दै आएका थिए । कामतको जन्म वि.स. २०१२ साउन १७ गते सिरहाको पोखरभिण्डामा भएको थियो ।
