विमुक्ति-समारोह नाम दिइएको `प्रश्नहरू त बाँकी नै रहन्छन् ´ कवि तथा निबन्धकार मोमिलाको निबन्ध कृति रङ्गमञ्चीय शैलीमा लोकार्पण गरियो।
कवि महेश पौडेलले संचालन गरेको सो कार्यक्रमको दुई प्रमुख अतिथि थिए | एक अदृश्य र एक दृश्य | अदृश्य अतिथि थिए – प्राचीन ग्रीस साहित्यका महान दार्शनिक विद्वान अरस्तु र दृश्य प्रमुख अतिथी कवि एल. बि. क्षेत्री |
सर्वनाम थिएटरको मञ्च अघिल्तिर निबन्ध कृति लोकार्पण गरेपछि मञ्चको मध्यभागमा राखिएको कठघरामा बसिन् मोमिला । लेखकलाई कटघरामा उभ्याएर केशव सिग्देल र सावित्री कक्षपतिलाई वक्ताको रूपमा साक्षी राखेर मोमिलामाथि मुद्दा चलाईयो | कवि समिक्षक महेश पौड्यालले प्रश्नहरूको ताँती लगाए तर कवि मोमिला आफूमाथि लगाइएका सबै आरोपको उत्तर बौद्धिक स्तरबाट दिएर दर्शक दिर्घाको मन जित्न सफल भइन |
निर्णायकको रूपमा रहनु भएका आशेष मल्लले आफ्नो निर्णयमा कारण सहित कवि निबन्धकार मोमिला जोशीलाई सबै आरोपबाट मुक्त गर्नु भयो |
आफ्नो पहिलो निबन्ध सङ्ग्रह ‘ईश्वरको अदालतमा आउटसाइडरको बयान’ मार्फत नेपाली निबन्ध फाँटमा बलियो उपस्थिति जनाइसकेकी मोमिलाको दोस्रो निबन्ध सङ्ग्रह ‘प्रश्नहरू त बाँकी नै रहन्छन्…’ आत्मपरक निबन्धहरूको संग्रह हो ।
कार्यक्रम नेपाली कला साहित्य डटकम र संग्रहको प्रकाशक पेज टर्नरको संयुक्त आयोजनामा भएको थियो ।
