नेपाल पुस्तक तथा स्टेसनरी व्यवसायी महासंघ र करेन्ट मिडिया एन्ड रिसर्च सेन्टर प्रालिले संयुक्त रूपमा पुस्तक प्रदर्शनी आयोजना गरेका हुन्। प्रधानमन्त्री पुष्पकमल दाहालले मंगलबार प्रदर्शनीको उद्घाटन गरेका छन्।
प्रदर्शनीमा दक्षिणएशिया क्षेत्रका नेपाल, चीन, भारत, बाङ्लादेशका प्रकाशक, उत्पादक तथा वितरक सहभागी छन्। दक्षिणएशियाली देशसँगै अमेरिका, इजिप्ट सहित १५ भन्दा बढी देशका प्रकाशक, उत्पादक तथा वितरक सहभागी रहेको नेपाल पुस्तक तथा स्टेसनरी व्यवसायी महासंघका महासचिव शिवसागर शर्माले बताए।
महासचिव शर्माका अनुसार प्रदर्शनीमा १८० स्टल छन्। पुस्तक प्रदर्शनी मंसीर ९ गतेसम्म सञ्चालन हुनेछ।
