पुस्तकालयकर्मी भोलाकुमार श्रेष्ठले हालै ‘पुस्तकालयसँगको जीवन यात्रा’ पुस्तक प्रकाशित गरेका छन् ।नेपालको पुस्तकालय विज्ञानको क्षेत्रमा परिचित नाम हो, लाइब्रेरियन भोलाकुमार श्रेष्ठ ।
पुस्तकालयसँगको जीवन यात्रा’ पुस्तकमा आफ्नो जीवनमा पुस्तकालयसँगको सहयात्रालाई सजीव ढङ्गले प्रस्तुत गरेको छ । अहिले इन्टरनेटको पहुँचले गर्दा पढ्ने संस्कृतिको कमी आइ राख्दा पुस्तकालय सम्बन्धी जानकारी मूलक : यो पुस्तक अहिलेका पुस्ताको लागि पनि उत्तिकै महत्त्वपूर्ण छ । लेखक श्रेष्ठले पुस्तकालय तथा सूचनाविज्ञानमा स्नातक गरेपछि त्रिभुवन विश्वविद्यालय केन्द्रीय पुस्तकालयमा अस्थायी सहायक लाइब्रेरियन र पछि सोही पदमा स्थायी सेवा आरम्भ गरी तीन वर्ष काम गरे । त्यसपछि सरस्वती बहुमुखी क्याम्पस पुस्तकालयमा सरुवा भए । त्यतिखेरै लोकसेवा आयोग भिडेर पुस्तकालय अधिकृतका रूपमा नेपाल राष्ट्रिय पुस्तकालयमा सेवा प्रवेश गरे ।
श्रेष्ठ उपसचिवमा बढुवा भएर केसर पुस्तकालय पोस्टिङ भएर गरेका काम र त्यहींबाट जागिरे जीवनबाट अवकास लिएको उल्लेख गरेका छन् । उनले अवकासपछि पुनः डिल्लीरमण–कल्याणी रेग्मी स्मारक पुस्तकालय प्रमुख भएर २०६९ भदौदेखि २०८० असारसम्म काम गरेका थिए । सात दशक लामो आयुमा ४४ वर्ष पुस्तकालयकर्मीका रूपमा व्यतित गर्नु उल्लेखनीय पक्ष हो ।
एक लाइब्रेरियनको आत्मवृत्तान्तमा आधारित ‘पुस्तकालयसँगको जीवन यात्रा’ले नेपालको पुस्तकसंस्कृतिबारे पर्याप्त ज्ञान दिन्छ ।
