खेमलाल हरिकला समाज कल्याण प्रतिष्ठानले कथाकार केशवराज ज्ञवालीको ‘अर्को भोर’ कथासङ्ग्रहलाई ‘पद्मश्री साहित्य पुरस्कार- २०७८’ प्रदान गर्ने निर्णय गरेको छ । यस्तै प्रतिष्ठानल २०७८ सालको ‘द्मश्री साधना सम्मान’ कथाकार माया ठकुरीलाई प्रदान गर्ने निर्णय गरेको छ । प्रतिष्ठानले गठन गरेको निर्णयक मण्डलले उक्त निर्णय गरेको प्रतिष्ठानका अध्यक्ष जीवा लामिछाने जानकारी दिएका छन् । प्राप्त १४४ पुस्तकबाट चयन गरेर ‘अर्को भोर’ कथासङ्ग्रहलाई उक्त पुरस्कार प्रदान गरिएको अध्यक्ष लामिछानेले जारी गरेको विज्ञप्तिमा उल्लेख गरिएको छ ।
विज्ञप्तिमा भनिएको छ -“अर्को भोर कथासङ्ग्रहका कथाहरूको शैलीमा नवीनता छ । फरक कथानक र उत्कृष्ट संयोजनले हरेक कथालाई निकै सुन्दर बनाएका छन् । कथाहरूको भाषा सरल छ । आरोह, अवरोह र नाटकीयताको सम्यक सन्तुलन कायम राख्न अधिकांश कथा सफल छन् ।”
“पद्मश्री साधना सम्मान तीसको दशकदेखि नेपाली आधुनिक कथाका क्षेत्रमा महङ्खवपूर्ण योगदान दिनुहुने कथाकार माया ठकुरीलाई अर्पण गर्ने निर्णय गरिएको छ । उहाँका कथाहरु समाजका सूक्ष्म संवेदना र मनवीय भावनाले ओतप्रोत छन् । उहाँका सात ओटा कथासङ्ग्रह, एउटा गीतिसङ्ग्रह र एउटा बालकथासङ्ग्रह प्रकाशित छन्” , वज्ञप्तिमा उल्लेख गरिएको छ ।
प्रतिष्ठानले विस २०६३ देखि नेपाली साहित्यमा वर्षभरि प्रकाशित पुस्तकमध्ये निर्णायक मण्डलले उत्कृष्ट ठह¥याएको पुस्तकलाई प्रत्येक वर्ष पद्मश्री साहित्य पुरस्कार अर्पण गर्दै आएको छ ।त्यस्तै २०६७ सालदेखि साहित्य, कला, सङ्गीत, अभिनय आदि क्षेत्रमा दीर्घ साधना गर्ने विशिष्ट साधकलाई पद्मश्री साधना सम्मान प्रदान गर्दै आएको छ ।
साथै यसै वर्षदेखि प्रतिष्ठानले समाजलाई गौरवपूर्ण योगदान दिने विभिन्न क्षेत्रका विशिष्ट व्यक्तित्वलाई पद्मश्री गौरव पुरस्कार द्वारा सम्मान गर्ने भएको छ ।प्रतिष्ठानले यो पुरस्कार पहिलो पटक लाखौं मानिसलाई आँखाको ज्योती प्रदान गर्ने अद्भुत नेत्र चिकित्सक डा सन्दुक रुइतलाई अर्पण गर्ने निर्णय गरिएको छ ।
प्रतिष्ठानले राम लोहोनीको संयोजकत्वमा नयनराज पाण्डे र कुमारी लामा सदस्य रहेको एक निर्णायक समिति गठन गरेको थियो ।
यी तीन ओटै पुरस्कारको को राशी जनही रु. तीन लाख रहेको विज्ञप्तिमा उल्लेख गरिएको छ ।
