गोल्डेन भ्वाईस अफ नेपाल प्रेमध्वज प्रधानले गाउनु भएको ” छन्त छु जुल ” बोलको नेपालभाषाको गीतमा बनेको म्युजिक भिडियो सार्वजनिक गरिएको छ । गायक प्रेमध्वज को साथमा गायिका प्रतिमा राजभण्डारी को युगल गायन रहेको सो गीतका रचनाकार एवं संगीतकार निर्मलरत्न शाक्य हुन्। विश्वास बज्राचार्य ले निर्देशन गरेको सो गीतमा अभिनेता कर्मा र शोभा महर्जनले अभिनय गरेको छ ।
मदनकृष्ण श्रेष्ठ प्रमूख अतिथी रहनु भएको सो समारोहमा प्रकाश सायमि, विजयरत्न असंबरे , मनराजा नकर्मि , गायिका प्रतिमा राजभण्डारी , विश्वास बज्राचार्यं तथा गीतकार निर्मलरत्न शाक्यले उक्त गीतबारे आआफ्नो धारणा व्यक्तगरेका थिए । संचारकर्मी एवं गायक सुरजबीर बज्राचार्य ले सन्चालन गरेको सो कार्यक्रममा गीतसंगीत सम्बद्ध धेरै कलाकर्मिहरुको बाक्लो उपस्थिति रहेको थियो ।
