मूर्तीकलामा देश, विदेशमा आफ्नो सिर्जना पुर्याइ सक्नु भएका कलाकार राजु तुलाधरलाई २०७८ सालको जनमत–महेन्द्रलाल कलाकार सम्मानबाट सम्मानित गरियो । तीन पुस्ता देखि नेपाली मूर्ति कलामा समर्पित परिवारमा जन्मेका राजु तुलाधरले सिर्जना गरेका सालिकहरु नेपाल अधिराज्यभर देख्न सक्छौँ । तुलाधरको कला प्रतिको समर्पण र निरन्तरताको कदर गर्दै सम्मान गरिएको हो । बनेपामा जनमतको ३९ औँ वार्षिकोत्सवको उपलक्ष्यमा उनलाई प्रमुख अतिथि नेपाली समालोचक, भाषाविद्, नाटककार, अनुवादक तथा कवि प्रा.डा. अभि सुवेदीले सम्मान गरिएको थियो ।
