वरिष्ठ नाटककार, नाट्यकर्मी तथा साहित्यकार अशेष मल्ललाई २०७८ सालको गणेश÷खिलकुमारी दुवाल–जनमत सम्मान बाट सम्मानित गरियो । वि.सं. २०११ सालमा धनकुटामा जन्मिएका अशेष मल्ल वरिष्ठ नाटककार हुन् । सर्वनाम नाट्य समूहसँग आवद्द मल्ल नेपाली साहित्य र रङ्ग कर्मका साधक हुन् । उनलाई कुनै समय पञ्चायती व्यवस्थाको कलात्मक विरोधका लागि परिकल्पना गरिएको सडक नाटकका कल्पनाकार एवं प्रस्तोता भनेर चिनिन्छ ।
उनी सानो उमेरमा प्राज्ञ बने । त्यस्तै युरोपमा नाट्य विषय पढाउने पहिलो नेपाली नाट्यकर्मी पनि हुन् । दुई दर्जन पुस्तक र सयभन्दा बढी नाटकका लेखक अशेष मल्ल चार दशकदेखि अविच्छिन्न नाटक लेखन, निर्देशन र मञ्चनमै रमाएका गतिशील यात्री हुन् । ‘सर्वनाम’ र ‘अशेष’ एकै रूखका हाँगा र पातजस्ता अभिन्न लाग्छन् । २०३८ सालमा समूह बोध बुझेर सर्वनाम स्थापना गरेका मल्लले ०६८ सालमा एउटै छहारीमुनि कला, साहित्य, संस्कृतिका अनेक छटाहरू पस्किने गरी भएको ‘सर्वनाम थिएटर’ को स्थापना गरे । उनको साहित्य, कला र सङ्गीत प्रतिको साधनालाई कदर गरि यो सम्मान गरिएको हो । उनलाई प्रा.डा. अभि सुवेदीलाई सम्मान गरिएको थियो ।
