इटहरी, मोरङका मूर्तिकार तथा नाट्यकर्मी विक्रम श्रीलाई २०७७ सालको जनमत–महेन्द्रलाल कलाकार सम्मानबाट सम्मानित गरिएको छ । प्रमुख अतिथि नेपाली समालोचक, भाषाविद्, नाटककार, अनुवादक तथा कवि प्रा.डा. अभि सुवेदीले सम्मान गरिएको थियो । जनमत वाङ्मय प्रतिष्ठानका अध्यक्ष मोहन दुवालको अध्यक्षतामा सम्पन्न कार्यक्रममा साहित्यकारहरुको बाक्लो उपस्थिति थियो । जनमत वाङ्मय प्रतिष्ठानद्वारा हरेक वर्ष प्रदान गरिँदै आएको सो सम्मान विक्रम श्रीलाइ कला सिर्जनाहरू बाट देश र जनताले ऊर्जा प्राप्त गरिरहने अपेक्षा एवं विश्वासका साथ सम्मानित गरिएको हो ।
