साहित्यिक पत्रकारिताका क्षेत्रमा लामो समयदेखि क्रियाशील व्यक्तित्व अभिव्यक्ति द्वैमासिकका सम्पादक (हाल संरक्षक) नगेन्द्रराज शर्माको नाममा स्थापित ‘नगेन्द्रराज शर्मा साहित्यिक पत्रकारिता पुरस्कार’ यस वर्ष दायित्व साहित्यिक पत्रिकाका प्रधान सम्पादक रामप्रसाद पन्तलाई प्रदान गर्ने घोषणा गरिएको छ ।
‘नगेन्द्रराज शर्मा साहित्यिक पत्रकारिता पुरस्कार कोष’का सचिव तथा अभिव्यक्तिका कार्यकारी सम्पादक देविका तिमिल्सिनाको नेतृत्वमा बसेको बैठकले उक्त निर्णय गरेको हो । अघिल्लो वर्ष रचना साहित्यिक पत्रिकाका प्रधान सम्पादक रोचक घिमिरेलाई पहिलो पटक उक्त पुरस्कार प्रदान गरिएको थियो ।
