‘कलिंग लिटरेरी फेस्टिभल भारतले ‘कलिंग लिटरेरी फेस्टिभल बुक अवार्ड २०२२को लागि विभिन्न श्रेणीहरूमा अवार्डहरू घोषणा गरेको छ । विजेतालाई फेब्रुअरीमा स्वस्ति प्रिमियम होटेल, भुवनेश्वर, ओडिशा, भारतमा आयोजना हुने वार्षिक कलिंग लिटररी फेस्टिभलमा सम्मानित र पुरस्कृत गरिनेछ।
महोत्सवमा पुरस्कृत लेखकहरू र तिनीहरूका पुस्तकहरू प्रदर्शन गरिनेछ । सञ्जीव सान्यालको पुस्तक रिभोल्युशनरीजस द अदर स्टोरी अफहाउ इन्डिया वोन इट्स फ्रिडम, कैलाश सत्यार्थीको पुस्तक ‘तुम पहिले क्यु नआये, हिन्दोल सेनगुप्ताको ‘गायन, नृत्य र प्रार्थना’श्रीला प्रबहुपाडा संस्थापक आचार्यको ‘प्रेरणादायक कथा’ रञ्जित होस्कोटेको ‘हंचप्रोज, प्रवीण कुमारको अमर देशवा, लगायतअन्य यस वर्ष केएलएफ बुक अवार्डमा छनोट भएका छन् ।
प्रतिष्ठित ‘कलिंग लिटरेरी फेस्टिभल बुक अवार्ड २०२२ का लागि निर्णायक मण्डलबाट दुई नेपाली लेखकहरु चुनिएका छन् । साहित्यकार रञ्जना निरौलाको निबन्ध सङ्ग्रह ‘अनुभूतिको अवतरणको लागि र लेखक सुमित शर्मा ‘समीर’ पुस्तक ‘वेक अप अर्ली वेक अप नाउ’को लागि केएलफबुक अवार्ड २०२२का लागि छनोट भएका हुन् ।
कलिंग लिटरेरी फेस्टिभल बुक अवार्डले स्थापित र नयाँ लेखक दुवै विधाका साहित्यिक प्रतिभाहरूलाई पहिचान, मान्यता, प्रोत्साहन र सम्मान गर्ने अवसरहरू खोल्छ । यसको उद्देश्य भविष्यका साहित्यिक प्रतिमाहरूलाई आकार सम्मान र प्रोत्साहन दिनु हो । भुवनेश्वरमा केएलफको वार्षिक कार्यक्रम फेब्रुअरी २४, २५ र २६ २०२३ मा हुने केएलफ पुस्तक पुरस्कारहरू पुरस्कार निर्णायकहरूको सिफारिसका आधारमा चयन गरिएको हो ।
