भारतीय चर्चित कवि अमृता प्रितमका कविताहरू नेपालीमा सार्वजनिक भएको छ। रीमा केसीको अनुवादमा इन्डिगो इन्क प्रालिले ‘अमृता प्रितमका छानिएका कविता’ पुस्तक सार्वजनिक गरेको हो।
शनिबार कवि तुलसी दिवस, भूपाल राई, ज्योति जङगल र अनुवादक केसीले संयुक्त रुपमा पुस्तकको लोकार्पण गरेका हुन्।
कविहरू स्वप्निल स्मृति र लक्ष्मी रुम्बाले अमृताका कविता पनि बाचन गरेको पुस्तक लोकार्पण कार्यक्रमको सहजीकरण बाबु त्रिपाठीले गरेका थिए। ५२ कविता भएको उक्त पुस्तकको नेपाली मूल्य रु २९९ राखिएको छ।
