साहित्यकार एवं लाेकप्रिय रेडियो प्रस्तोता दाहाल यज्ञनिधिको नाममा साहित्यिक,सामाजिक संस्थाको स्थापना गरिने भएको छ । ५१ लाख रूपैयाँ अक्षयकोष सहित दाहाल यज्ञनिधि-सुधा सदनको स्थापना गरिने भएकाे हाे ।
साहित्यकार दाहालकी धर्मपत्नी सुधा दाहालको अध्यक्षतामा गठित उक्त संस्थामा डा.रमेश शुभेच्छुक- उपाध्यक्ष,ठाकुर बेलवासे -सचिव र नन्दराज पाेखरेल कोषाध्यक्ष रहेका छन् ।
यस्तै साहित्यकार डा.विष्णु राई ,गायिका लोचन भट्टराई,साहित्यकार निलम कार्की निहारिका,पत्रकार दिनेश लुइँटेल र जिवनिधि दाहाल कार्यसमिति सदस्य रहेका छन् । संस्था संरक्षकमा दाहालकी माता कृष्णकुमारी दाहाल रहेकी छिन् ।
