नूर–गङ्गा प्रतिभा पुरस्कार गुठीको साधारण सभाले सम्पन्न भएको छ । सभाले यस वर्षको नूर–गङ्गा प्रतिभा पुरस्कारहरूको बारेमा निर्णय पनि गरेको छ ।
बिहीबार काठमाडौंमा आयोजित कार्यक्रममा गुठीले ‘नूर–गङ्गा राष्ट्रिय बालसाहित्य पुरस्कार’ साहित्यकारहरू गेहेन्द्रमान उदास पोखरेली (पोखरा) र कन्हैया नासननी (काठमाडौं)लाई संयुक्त रूपमा प्रदान गर्ने निर्णय गरेको छ । उक्त पुरस्कारको राशि १ लाख रुपैयाँ रहेको छ ।
सभाले ‘नूर–गङ्गा क्षेत्रीय लोकगायन प्रतिभा पुरस्कार’ लोकगायक पुष्कल शर्मा (पाल्पा)लाई ३० हजार नगद राशिसहित प्रदान गर्ने निर्णय गरेको छ । त्यस्तै ‘नूर–गङ्गा राष्ट्रिय लोकगायन प्रतिभा पुरस्कार’ २५ हजार नगद राशिसहित रामकुमार नेपाली (रामेछाप)लाई प्रदान गर्ने निर्णय गरेको छ ।
गुठीले ‘नूर–गङ्गा क्षेत्रीय नवप्रतिभा साहित्य पुरस्कार’ नगद राशि २० हजारसहित आयुष्मा तिवारी (नवलपरासी)लाई प्रदान गर्ने निर्णय गरेको छ ।
कार्यक्रममा गुठीका संरक्षक अमीरप्रताप जबराले संस्थाले अझै पनि धेरै काम गर्न बाँकी रहेको बताउँदै संस्थालाई अझ बृहत्तर रूपमा लैजाने प्रतिवद्धता जनाउनुभयो ।
गुठीका अध्यक्ष प्रा.डा. गोविन्द नेपालले संस्थाको क्रियाशीलताको चर्चा गर्दै गुठीको अक्षय कोषमा रकम वृद्धि गरिएको जानकारी गराउनुभयो ।
कार्यक्रममा प्रा.डा. चूडामणि बन्धु, यज्ञप्रसाद शर्मा, प्रा.डा. धु्रवकुमार घिमिरे, यादव भट्टराई, नारायण रायमाझी, प्रा.डा. भवेश्वर पंगेनी, प्रा.डा. सावित्री मल्ल कक्षपति, सन्ध्या पहाडीले आफ्ना धारणा राख्नुभएको थियो ।
घोषणा गरिएका पुरस्कारहरू आउँदो असार १५ गते समर्पण गरिने गुठीले जानकारी गराएको छ ।
