[ अनामिका समकालीन भारतीय कवि हुन् । समाजिक अभियन्ता , उपन्यासकार र अङ्ग्रेजी समालोचना उनको थप परिचय हो । उनको आठवटा कविता संग्रह , पाँचवटा उपन्यास र चारवटा समालोचना प्रकाशित छ्न् । आजको दिनमा उनले सत्यवती विश्वविद्यालय दिल्लीमा अङ्ग्रेजी विषय अध्यापन गर्छिन् । ]
यसरी पढियो हामीलाई
जसरी बच्चाहरुको च्यातिएको कागज
चनाचट्पटेको खोल बन्नुपूर्व पढिन्छ ।
सुनियो , यसरी हामीलाई
एकदम हल्का रुपमा
जसरी फिल्मी गीत सुनिन्छ
ठेलमठेल सार्वजनिक यातायातमा ।
यसरी भोगियो हामीलाई
धेरै परको नातेदारको दुखलाई जसरी
एकदिन हामीले भन्यौँ
हामी पनि मानव हौँ !
हामीलाई सहि ढंगबाट पढ
जसरी स्नातकको पढाइपश्चात्
नोकरीको खोजीमा एक-एक बिज्ञापन पढछौ ।
हेर यसरी हामीलाई
जसरी कतै टाढा जलिरहेको आगोलाई स्तब्ध भएर हेर्छौ ।
सुन हामीलाई अनाहत नादलाई जसरी
अनि याद गर
जसरी याद गरिन्छ , भर्खर सिकिरहेको नयाँ भाषा ।
स्त्रीको पुकार सुनिसकेपछि
पुरुषको अधरमा अवस्थित अदृश्य सान लगाउने ढुङ्गाबाट
सलह उडेर गयो
रंगिन होहल्ला फैलाउँदै
चिँ चिँ चिँ चिँ
चरित्रहीन महिला
चरित्रहीन महिला
चरित्रहीन महिला !
` कुनै अभिभाकत्वको आँडमा
फुलेको फलेको जङ्गलका कुरुप लहरा
हुनेखाने ,बेकार, बेचैन विलासी सुखले मातिएका महिलाहरुको झुण्ड हो, यो कविता कथा ।
यो यीनिहरुले कहाँ लेखेको हो र ! ´
कर्मको फल
कर्मको इशारा
बाँकी कथा मात्र कर्ममा छ ।
हे ! परमपीता
हे ! परम पुरुष
हामीलाई अब मुक्ती देऊ
हामीलाई अब मुक्ती देऊ
मूल कवि : अनामिका
भावानुवाद : जनक कार्की
