टेकुस्थित कथा घेराको कौशी नाटकघरमा नाटक ‘वेडिङ एल्बम’ मञ्चन भैरहेको छ। भारतीय नाटककार गिरिश कर्नाडद्वारा लिखित नाटकलाई आकांक्षा कार्कीले रूपान्तरण तथा निर्देशन गरेकी हुन्।
एउटा परिवारकी कान्छी छोरीको विवाहको धुमधाम तयारी भइरहँदाको पारिवारिक कथा नाटकमा प्रस्तुत गरिएको छ।
नाटकमा लुनिभा तुलाधर, आशान्त शर्मा, सुदाम सिके, केनिपा सिंह पहारी, रन्जना भट्टराई, विनिता लामा गुरूङ, सेविता अधिकारी, नवीनचन्द अर्याल, ऋषिकेश बस्याल, जीवन गौतम, निष्ठा त्रिपाठी र आकांक्षा कार्कीको अभिनय छ।
आगामी असोज २७ गते सम्म नियमित मञ्चन हुने नाटकमा इंगिहोपो कोइच सुनुवारको प्रकाश परिकल्पना छ भने नरेश गजुरेल र सुरज मल्लको ध्वनी परिकल्पना छ।
