इन्द्रजात्रा जात्रा मात्र होइन, यो महाजात्रा हो . यसमा विभिन्न रथग तान्नेदेखि अन्य सहायक जात्राहरु पनि हुन्छन् । आठ दिन लामो इन्द्रजात्रा आज सम्पन हुँदैछ ।
येँया: (इन्द्रजात्रा) को अन्तिम दिन जीवित देवी कुमारी, जीवित देव गणेश र भैरवको रथलाई ‘नानिचा: या:’ (बीचको नगर परिक्रमा) गराउने दिन इन्द्रजात्राको अन्तिम दिन अर्थात् नानिचाका दिन राष्ट्राध्यक्षले कुमारीको हातबाट टीका थापी राज्य सञ्चालनका लागि शक्ति प्राप्त गर्ने चलन छ । पहिले तल्लो टोल र माथिल्लो टोलमा मात्रै कुमारी, गणेश र भैरुवको रथ घुमाइन्थ्यो ।
राणा प्रधानमन्त्री जंगबहादुरले किल्ला घरकी एक जना नेवार केटीलाई मनपराएका थिए । केटीलाई नेवारी भाषामा नानिचा भनिन्छ, जंगबहादुले ती केटीलाई देखाउनका लागि जात्राको अन्तिम दिन नानिचा नाम दिई रथ घुमाउन सुरु गरेका हुन् ।
महिलाहरु पनि समान रुपमा अघि बढिरहेको समयमा महिलाहरुले नै तान्न सुरु गरेको इन्द जात्रा व्यवस्थापन समितिका अध्यक्ष गौत्तम रत्न शाक्य बताउँछन् । कुमारी रथ यात्रामा एक सय जना, गणेश र भैरवको रथ तान्न ७५, ७५ जना महिलाहरु सहभागी हुन्छन् ।
