प्लान इन्टरनेशनलले बाल विवाह तथा जबरजस्ती हुने विवाह उन्मूलन गर्नका लागि युवा सक्रियतालाई जोड दिदै शब्द भन्दा ठूलो “लाउडर देन वर्डस्” पुस्तक सङ्ग्रह प्रकाशन गरेको छ । टाइम टु एक्ट भनिने क्षेत्रिय पहलमा विकसित गरिएको यो सङ्ग्रह एसियाका विभिन्न देशमा रहेका किशोरकिशोरीहरूको आवाजलाई समेटिएको छ ।
किशोरकिशोरीको सक्रियतालाई प्रतिबिम्बित गर्दै उनीहरूसँगको सहकार्यको स्वरुप यो पुस्तक निमार्ण गरिएको हो । जसले बाल विवाह तथा जबरजस्ती हुने विवाहको जडको पहिचान गरी यसको रोकथामका लागि काम गर्ने र महिला सशक्तिकरण तथा समानतालाई प्रोत्साहन, गरि यसलाई विशेष रुपमा प्रस्तुत गर्ने प्लानले जनाएको छ ।
प्लान इन्टरनेशनलका एशिया क्षेत्रका कार्यकारी निर्देशक तथा लैङ्गिक रुपान्तरण नीति र अभ्यासका भाग्यश्री डेंगल ग्रामिण क्षेत्रमा भएका प्रत्येक कथाहरूको महत्व, शब्द भन्दा धेरै ठूलो रहेको बताउनुहुन्छ । यि मध्य कति कथाहरूले समूदायमा आफ्नो अधिकारको लडाईमा महत्वपूर्ण परिणाम ल्याउन सफल भएको उहाँको भनाइ छ ।
प्लान इन्टरनेशनलका एशिया क्षेत्रका कार्यकारी निर्देशक तथा लैङ्गिक रुपान्तरण नीति र अभ्यासका भाग्यश्री डेंगल ग्रामिण क्षेत्रमा भएका प्रत्येक कथाहरूको महत्व, शब्द भन्दा धेरै ठूलो रहेको बताउनुहुन्छ ।
विश्वव्यापी रुपमा मानव अधिकारको मुद्दाका रुपमा रहेको बाल विवाह तथा जबरजस्ती हुने विवाहले असमान रुपमा विशेषत किशोरीहरुलाई असर गरेको छ । विभिन्न समयमा गरिएका अनुसन्धानले दक्षिण एसियामा निकै ठूलो संख्यामा बालविवाह हुने गरेको देखाउँछ, जहाँ हरेक वर्ष १२ लाख बालिकाले १८ वर्ष पुग्नु अघि नै विवाह गर्ने गरेका छन् ।
संख्या हेर्दा हरेक २ सेकेण्डमा २३ जना बालिका उमेर नपुगि वैवाहिक बन्धनमा बाधिने गरेको देखिन्छ । यसले लाखौं किशोरीहरुलाई उनिहरुको क्षमतावृद्धिबाट वञ्चित गराएको छ । सन् २०३० सम्म विश्वव्यापी रुपमा ८० करोड किशोरीहरू बालविवाहको जोखिममा रहने प्रक्षेपण गरिएको छ, जुन अहिलेको ६५ करोड भन्दा बढी हो ।
तथ्याङ्क अनुसार नेपालमा पनि ३७ प्रतिशत बालिकाको १८ वर्ष पुग्नु अगावै विवाह भएको देखिन्छ । १० बालिकाले प्रतिशत १५ वर्ष भन्दा अघि नै विवाह गर्ने गरेका छन् । यसको न्युनिकरणको लागि प्लान इन्टनेशनल नेपालले संविधानविद्हरुसँग मानव अधिकार, कानुन, न्याय लगायत सँग पैरवी पनि गर्दै आइरहेको जनाएको छ ।
