रिका जान्तीको लेखन र चित्राङ्कन रहेको सानो मुसो, सानो मुसाको सहयोग र सानो मुसाको मामाघर शीर्षकका चित्रकथाहरु (सानो मुसाको शृङ्खला) नेपाली भाषामा प्रकाशित भएको छ।
रिका जान्ती बाल-साहित्य विधामा फिनल्यान्डको प्रसिद्ध लेखक र चित्रकार हुन्। उनको पहिलो बाल पुस्तक सन् २००५ मा प्रकाशित भएको थियो। उनको सानो मुसाको चित्रकथा शृङ्खला १६ वटा विभिन्न भाषामा प्रकाशित भइसकेको छ। यस शृङ्खलाका चित्रकथाहरु शान्ता दाहालले नेपाली भाषामा अनुवाद गरेकी हुन्।
चित्रकथा सानो मुसोमा सानो मुसोले आफ्नी आमासँग दिनभरि के के क्रियाकलापहरू गरेको छ भनेर सचित्र वर्णन गरिएको छ। सानो मुसाको जिद्दी र चुलबुले स्वभावलाई लेखकले सरलतवरबाट प्रस्तुत गरेका छन्। बालबालिकामा हुने उत्सुकता, जिज्ञासा र जिद्धिपनालाई लेखकले सचित्र र सरल ढङ्गबाट चित्रकथामा पस्केका छन्।
सानो मुसाको मामाघर चित्रकथामा आफ्नी आमासँग सानो मुसा बेरी टिप्न रेल चढेर मामाघर गएको रोचक यात्रा सचित्र प्रस्तुत गरिएको छ।
सानो मुसाको शृङ्खला नेपाली भाषामा
