विद्रोह हुर्किंदै गएको छ
विद्रोह फैलिंदै गएको छ
सरकार परिवर्तनका लागि
सांसदको बडी बढाउ छ
नेपालको दुर्भाग्य यस्तो छ !
प्राडो, पजेरोमा प्रलोभन बढेको छ
पूर्वपञ्चे शैली हावी भएकै छ
मन्त्री पदको आकर्षक बढेर
नैतिक अपराधलाई खण्डित गरेको छ
नेपालीको दुर्भाग्य यस्तो छ !
राज्यको शासकीय स्वरुपमा विकृति छ
समाजको नैतिक धरातलमा कुकीर्ति छ
व्यक्तिको देहावसान भइसक्दा पनि
नयाँमा प्रवृत्ति उही दोहोरिएको छ
नेपालीको दुर्भाग्य यस्तो छ !
संविधान मात्र नयाँ आएको छ
अस्थिरताको श्रृङ्खला पुरानै छ
लुटेरा र सज्जन छुट्याउन गाह«ो भो
त्यो नरसंहारकारी सांसद भएको छ
नेपालीको दुर्भाग्य यस्तो छ !
राजनीतिक अस्थिरताबाट केहीलाई लाभ भाकै छ
खास खास व्यक्तिले मस्ती मार्नुथ्यो मारेकै छ
प्रधानमन्त्री फेरिने मात्र हैन दोहोरिने
देशले मुक्ति पाएको छैन नेताको चंगुल छ
नेपालीको दुर्भाग्य यस्तो छ !
निरंकुशताको गुरुमन्त्र सधैं जपेको छ
गति छाडा मति छाडा सांसद भएकै छ
निर्दल बहुदल हुँदै गणतन्त्र आएपनि
पुरानै अनुहारसँग कुम जोडेको देखिन्छ
नेपालीको दुर्भाग्य यस्तो छ ।
मुलुकमा विडम्बना यस्तो छ
यसलाई नियति भने पनि हुन्छ
कुनै ठूलो उथुलपुथुल नभएसम्म
जनघातीहरुको राज्य चलिरहन्छ
नेपालीको दुर्भाग्य यस्तो छ ।
