नेपाली साहित्यको नवीनतम विधाका रूपमा विकास भएको ‘बाछिटा’ विधाका ६ वटा कृति सार्वजनिक भएको हो । नेपाल प्रज्ञा प्रतिष्ठानका कुलपति भुपाल राई, नेपाल साहित्यिक पत्रकार संघका अध्यक्ष मोहन दुवाल लगायतले शुक्रबार राजधानीमा उक्त कृति सार्वजनिक गरेका हुन् ।
साहित्यकार कलानिधि दाहालको ‘अस्तित्व’, खगेन्द्र बस्यालको ‘अखण्ड’, कमला महतको ‘अनन्त’ कृति छन् । त्यस्तै भवानी पाण्डेको ‘अक्षुण्ण’ नानीमैया सुनुवारको ‘अजस्र’ र सुधा बास्कोटा ढकालको ‘अस्मिता’ सार्वजनिक भएका हो ।
नेपाली कविता विधाको नयाँ आयामका रूपमा साहित्यकार अमर त्यागीले २०७७ सालमा प्रवर्तन गरेका हुन् । तीन हरेफको कविताको संरचनामा सिर्जना हुने गर्दछ । त्यसको बिम्ब प्रयोगमा प्रकृति, संस्कृति र समसामयिक विषयलाई समेट्ने गरिन्छ । पहिलो हरफमा ३ अक्षर, दोस्रो हरफमा ५ अक्ष र तेस्रो हरफमा ३ अक्षरमा टुंग्याउने गरिन्छ ।
कौशिकी साहित्य प्रतिष्ठानले उक्त कृति प्रकाशित गरेको हो । अहिलेसम्म बाछिटा विधामा एकदर्जन कृति तथा ‘रुपायन’ र ‘माधुरी’ साहित्यिक पत्रिका बाछिटा विशेषांक प्रकाशित रहेको प्रतिष्ठानका अध्यक्ष चेतनाथ धमलाले जनाएका छन् । कृतिबारे समालोचकद्वय डा. मधुसुदन गिरी र कौशिला रिसालले नवीनतम विधाको विकास तथा औचित्य पुष्टि गर्न जरुरी रहेको औंल्याएका थिए ।
